Alasan kenapa AC di rumah harus di service

Alasan kenapa AC di rumah harus di service

Kita harus mengetahui bahwa AC yang kita miliki di rumah juga membutuhkan perawatan yang intensif layaknya perangkat-perangkat elektronik kita atau bahkan layaknya sepeda motor atau mobil yang kita miliki. Kita akan bahas beberapa hal yang sangat penting mengenai AC supaya AC yang kita miliki bisa bekerja maksimal ketika digunakan di rumah.

AC adalah perangkat elektronik yang memerlukan perawatan untuk menjaga kinerjanya.

Dari cara kerjanya kita bisa lihat yaitu menghembuskan udara dingin dan menghisap udara panas dari sebuah ruangan dan pada saat menghisap udara dari sebuah ruangan maka debu-debu yang ada akan ikut terhisap juga dan akhirnya akan menempel pada filter atau evaporatornya.

Di dalam ruangan AC yang kita miliki akan menghembuskan udara yang dingin, dan pada mesin luarnya akan menghisap udara juga. Pada proses penghisapan udara tersebut maka debu-debu udara luar akan menempel di kondensor.

Proses-proses yang ada akan membuat AC tersebut akan mengalami beberapa perubahan, akan banyak debu-debu menempel dan bahkan ada proses perkaratan di mesin unit outdoor. Pada bagian evaporator, debu-debu yang menempel harus dibersihkan supaya AC tersebut bisa dengan leluasa mengeluarkan suhu dingin

Apabila kondensor outdoor banyak dipenuhi dengan debu-debu, kerja compressor akan terasa berat dan bisa dipastikan kekuatan mesin akan tinggi melebihi kapasitas mesin tersebut.

Dengan diservice secara berkala akan memberikan hasil yang maksimal pada pendinginan udara dan membuat AC lebih awet dan mencegah kerusakan dini.

TATA IBADAH HUT PEMUDA GKPS 2015

TATA IBADAH HUT PEMUDA GKPS 2015

Tema :

HITA DO SAKSI NI KRISTUS (Lahoan ni Apostel 1:8)

                                       

Sub Tema :

“Patuduhkon Hita ma Hasadaonta i Tongah-tongah ni Dunia on Ase lambin Tarambilan Goran ni Kristus" (Johannes 17:21, 1 Korint 12:1-12)

26 Desember 2015

TATA IBADAH  HUT PEMUDA GKPS 2015

26 Desember 2015

I. Praelidium

a. Persiapan pribadi, martonggo ibagas uhur ( instrument musik )

b. Prosesi memasuki gedung gereja ( jongjong  kuria )

    Sanggah prosesi, pandoding/song leader mandodingkon Hal No 471 : 1 – 3

    Napansing, Napansing, do Ham Naibatanami

    Sigomgom haganup tanoh on, Napansing do Ham

    Napansing, Napansing, do Ham Naibatanami

    Ai domma roh hanami Bamu, jalo Ham ganup

    Napansing, Napansing, do Ham Naibatanami

    Sai sasap dousa nami ganup, ‘se talup Bamu

II. Kebaktian

1. Votum + Tonggo + Tonggo Pamungkah

P           : Hita haganupan pasirsir hita ma hauhuronta ibagas na mamungkah kebaktianta bani  panorang on, sada panorang ibagas goluhta na pataridahkon sihol ni uhurta laho marsaor pakon Tuhan Naibata, marsaor pakon hasoman sahaporsayaon janah iahapkon hita bahasa na dob irahut do hita marhiteihon darohNi Tuhanta in, halani ai sada ma hita ibagas panorang on laho mamuji Tuhanta.

                 ( sanggah paragenda mambasahon pengantar votum on, pandoding/ song leader  mandodingkon  Hal No 337 : 1, setengah suara/instrumen musik sayup-sayup )

P          : Ibagas GoranNi Naibata Bapa, pakon Tuhan Jesus Kristus, ampa Tonduy Napansing, Sitompa langit pakon tanoh on. Amen

 Idingat hanami do Idop ni uhurMu, Ham Naibata, ibagas rumahMu. Songon GoranMu Ham Naibata, sonai do hamuliaonMu das hu ujungni tanoh on, gok hapintoron do tanganMu siamun. Haleluya, Haleluya, Haleluya 

K         : (Mandodingkon) “Puji ma Tuhan”

               Puji ma Tuhan, Puji ma goran-Niin

               Puji ma Tuhan, Simada goluh on.      

P          : Pujion nami do Ham Tuhan, halani panramotionMu hubennami kuriaMu,

              Janah iahapkon  hanami do sonaha holongMu bani goluhnami

K         : (Mandodingkon) “Puji ma Tuhan”

P          : Bani panorang on, marmalas ni uhur do hanami Tuhan halani boi idalankon hanami Ibadah Hari Ulang Tahun Pemuda GKPS. Mangahap do hanami Tuhan, bahasa Ham do na mangojur hanami  roh hu Rumah-Mu na pansing on. Halani ai, pujion nami ma Ham Tuhan

K         : (Mandodingkon) “Puji ma Tuhan”

P          : Ham do simada goluhnami Tuhan, na tongtong mambere sagala na porlu bennami : sipanganon, siinumon, sonai age keluarga na manghaholongi pakon na ihaholongi hanami, janah Ham do homa na mambere panorang na jenges on mambahen boi hanami riap marmalas ni uhur laho mamuji Ham Sipagoluh hanami.

K         : Mandodingkon  “Puji ma Tuhan”

P          : Martonggo ma hita

              Ham Tuhan Naibata Bapa nami, pujion nami do Ham  halani bani panorang on, boi hanami martumpu  laho manombah Ham. Gok malas ni uhur do hanami, halani bani panorang on boi ipestahon hanami na dob 62 tahun hajongjongan ni Seksi Pemuda i GKPS.  Ondos hu Bamu ma uhurnami, ase marhiteihon ibadah on boi hanami gabe saksi-Mu itongah-tongahni goluh  on.  Ibagas GoranNi AnakMu Tuhan Jesus Kristus hanami martonggo. Amen

2. Mandoding Hal No 491 : 1 – 3

     ( ayat 1 pitah idodingkon singers, ayat 2,3 idodingkon ganupan  kuria )

1. Idilo Tuhan Naibatanta haganup kuriaNi in

   Ase manjalo haluahon, nabinoban ni Kristus in

   Tangihon ma dilo-diloNi, pateleng Ham ma pinggolmu

  Ulang manosal holi dobni, Bai ujungni panorangmu

         2.  Sai jalo ma ganup hataNi, sai buhai ham ma uhurmu

             Sonai homa ‘ge sinondangNi, In ma baen  gabe suluhmu

            Tangihon ma …psb

             3. Jumpahan ulih do ganupan, na sirsir manangihon in

           Na seng ongga marsidalian, mambalosi Tuhanta in

          Tangihon ma …psb

3. Tonggo Hasasapan ni Dousa  (Tonggo Hasasapan ni Dousa on i basahon 3 halak Pemuda na jongjong bani ianan ni bei )

     P      :  Hita haganupan na hinaharga ni Tuhanta, buei do dousa na hinorjahonta bani goluh ari- ari, marhitei parsahap, age parlahouta. Ipasingat do hubanta bahasa upah ni dousa aima hamateian, tapi silayak-layakni Naibata do hagoluhan na sadokahni dokahni marhitei Kristus Jesus Tuhanta in. Ase maningon matei do hita ibagas dousa, ase manggoluh hita ibagas Kristus. Ase roh ma hita hu lobei-lobeiNi Tuhanta laho manolsoli haganup dousanta, ase ulang hona uhum hita hinorhon ni dousa in, tapi ase dapotan hagoluhan na sadokah ni dokahni. Halani ai, riap ma hita martonggo mansopotkon dousanta hubani Tuhan Naibata, riap ma hita jongjong

     P     : Ham Tuhan Naibata Bapa nami, jalo Ham ma tonggo nami on

Pmd.1  : Ale Tuhan Jahowa Bapanami, roh do hanami nuan martonggo manrogop hu Bamu, halani iahapkon hanami buei ni panlanggaronnami bani goluh on.  Bani na marhorja, gati do hanami lang marpangajaman hu Bamu. Domma 62 tahun hajongjongannami Pemuda GKPS, namin patut ma hanami gabe niombah na marbuah na ramos, janah boi dapotan malas ni uhur halak marhitei hadirion nami. Tapi bani pangabak sonai age horjanami, sipata marpangusandeian bani gogoh sonai age pambotohnami do hansa hanami, gabe lupa hanami bahasa Ham do  sumber hagogohon pakon goluhnami on. Bani ganup panlanggaronnami in, holong ma Ham Tuhan, sasap Ham ma dousanami.

P          : Marpangulaki ma uhurMu hubennami Tuhan

K         : Mandodingkon Hal No 355: 1

              IlobeiMu o Jesus, talar do hagoluhankin,

              Mangarap Holong ateiMu, ilobeiMu o  Jesus

P          : Ham Tuhan Naibata Bapanami, jalo Ham ma tonggonami on

Pmd.2  : Sadari on Tuhan, hanami Pemuda do na i pakei Ham mangidangi KuriaMu bani ibadah  on. Diatei tupa ma hatahononnami hu Bamu, halani ipakei Ham ope hanami  marugas Bamu. Anggo ididah janah irimang-rimangi hanami diri sonai age parlahou nami, lape patut namin hanami marugas bani ibadah on. Lape gabe  niombah na sintong hanami i lobeiMu sonai age i lobei ni namatorasnami. Lape jumpah haporsayaon na matoras janah gokan dear ibagas dirinami. Gati do danak paruhuron sonai pangabaknami dompak Ham sonai dompak hasoman jolma. Mardousa do hanami marhitei ganup lolei ni uhurnami in Tuhan. Bani panlanggaronnami in holong ma Ham Tuhan, sasap Ham ma dousanami .

P          : Marpangulaki ma uhurMu hubennami Tuhan

K         : Mandodingkon Hal No 355 : 3

              IlobeiMu o Jesus, talar ganupan dousakin.

              Ronsi goluhku na simou,  ilobeiMu o Jesus

P          :  Ham Tuhan Naibata Bapa nami, jalo Ham ma tonggo nami on

Pmd.3  : Ham Tuhan Naibata, lang targorani hanami ganupan dousa nami in, tapi anggo Bamu talar do ganupan in. Halani ai, ibagas toruh pakon unduk ni uhur nami, mangindo hanami hu Bamu, holong ma Ham, sasap Ham ma dousa nami in. Patalup Ham ma hanami gabe Pemuda GKPS na  bujur janah na bijaksana, na totap mangkaholongi hasoman, hormat marparlahou janah marhabiaran hu Bamu. Sai tongtong ma hanami manggoluh ibagas panrahut ni holongMu, marsada ni uhur mamuji pakon pasangapkon Ham, ase ganupan hanami mangakuhon bahasa Jesus do Dalan, Hasintongan pakon hagoluhan. Holong ma uhurMu Tuhan, sasap Ham ma dousa nami in.

P          : Marpangulaki ma uhurMu hubennami Tuhan

K         : Mandodingkon Hal No 355 : 2

              HulobeiMu o Jesus, roh au na sombuh na doyuk.

              Mamorsan dousa na borat., hu lobeiMu o Jesus.

P          : Tangar hita ma HataNi Naibata bagah-bagah pasal hasasapan ni dousa

Domma Hupasisi salahmu songon hombun, anjaha songon hombun manorap dousamu. Mulak ma ho hu Bangku, ai Ahu do na manobus ho. Hasangapon ma bani Naibata I babou

P+K     : Amen            ( hundul kuria )          

4. Mandoding Hal No. 299:1-2

1. Domma ihopkop Tuhanku tonduyhu
Ase maluah tonduyhu tongtong.
Domma isasap Tuhanku dousangku
Ase manggoluh tonduyhu tongtong.
Malas uhurhu megah uhurhu
Lao pasangapkon Tuhan bai golukhon.
Nai ma hapeni holongni ateiNi
Hita pe patut larholong tongtong.

2.Domma ipilih Tuhanta ge hita,
   Lao manaksihon holongni tongtong.
   Domma isuruh Tuhanta ge hita,
  Lao mangkatahon HataNi tongtong.
  Laho ma hita misir ma hita,
  Mangambilankon Tuhan parholong in.
  Ase maluah homa hasomanta,
  Gabe manggoluh bai Tuhanta in.

5. Manaksihon Hata Haporsayaon              ( jongjng kuria )

   

6. Acara Khusus

a. Mambasa surat tongosan humbani Pimpinan Pusat GKPS

b. Koor/Vocal Group humbani Seksi Pemuda GKPS

c. Tonggo Syafaat

d. Pakon na legan (Sesuai pakon acara na dob iaturhon bani tiap jemaat )

7. Mandoding Hal No 353 :1+3+5

1. Marsora do Tonduy ni Tuhanta in.

Gati lang itangar, itulak ham in.

Sai tanda dousamu sopotkon homa.

Holong do atei-Ni isasap do in.

         3. Tangihon hata-Ni ihutkon ma in,

ondoskon dirimu bai gomgoman-Nin.

Pangindo bai Tuhan tongtong tonduy-Nin,

pargogoh mangkorjahon hata-Ni in.

5. Sai jolom tangan-Ni pangindo ma on:

Ramoti puhoi au susianmon.

Pabulat uhurhu patoguh au on,

manggolom hata-Mu bani goluhkon.

8.  Ambilan Jeremia 26:12-15

                                   

9.  Manggalang ( Sesuai Agenda )

     (Sanggah manggalang Pandoding/ song leader  mandodingkon  “Diatei tupa ma” ,

      songon  doding “ Betapa Hatiku“ )

            Diatei tupa ma sombahku hu Bamu Jesus,

halani holongMu, Ham parsimada au

Huboban hu Bamu daging ‘pa tonduyhon,

na gabe galangan parsombahon Bamu

            Lang dong na tarbaen au, na patut hu Bamu,

ai pitah on Tuhan, na targalangkon au

                        Hupindo hu Bamu, sai holong ateiMu,

            sai jalo Ham Tuhan na hugalangankon on

                        Sai pakei Ham ma au, gabe parugasMu,

sadokah goluhkon

10.   Tonggo Galangan - Panutup/Pasu-pasu

              P        :  Riap ma hita jong-jong, martonggo ma hita mangondoskon Galanganta hubani Tuhan Naibata :

                                                     Tarimakasih ma Bamu Tuhan. Ipasompat idop ni uhurMu ope hanami manggalangkon dirinami pakon sinadongan nami hu Bamu sadari on

K       : Ajari Ham ma hanami Tuhan, manggalangkon dirinami marhitei goluh na marhapansingon

            P        : Tuhan ma na paingkathon nasiam laho manlopusi pargoluhon nasiam

K       : Buei do tantangan bani goluh on, dompakhon hita ma marhasoman gogoh na humbani Naibata

                           P        :  Anggo lang sukkup gogohmu

              K       :  Naibata mampargogohi

              P        :  Anggo madabuh ham

              K       :  Naibata ma na manogu

              P        :  Anggo tariluh ham

              K       :  Naibata ma na mangapusi iluhmin

              P        :  Anggo malojatu janah  ngayotan ham

              K       :  Naibata do na pasonangkon hita

              P        :  Bani ganup rundut ni paruhuran

              K       :  Roh do Ham Naibata patorsahon haganupan           

               P       :  Halani ai talup tumang ma hatahononta Diatei Tupa hubani Tuhanta,

                           Riapma hita  mandodingkon lagu pujian Hal No 383 : 1

                             Marhitei diatei tupa, roh do au Tuhan,

                             mamboban buah ni horja, na binereMu

                             Jesus, Jesus, jalo Ham ma au,

                             bai hurangni panurdukhu anju Ham ma au

               P        : Ham Bapa nami naik i nagori atas…psb

                K         : (Mandodingkon) :  Ai Ham di Simada Harajaon, pakon hagogohon, ampa

                           Hasangapon, sadokahni dokahni.   Amen

               P         : Jalo ham ma pasu-pasu humbani Tuhan Naibata… Amen

P + J    : (Mandodingkon) Amen…Amen…Amen….

III. Postlidium

(Kuria marsalam-salaman sambil mangkatahon Syaloom, selamat HUT Seksi Pemuda GKPS ke-62)

IV.  Perayaan HUT